تعاتبني بنظراتن خفيه

[سامي والقلب ضامى]

السلام عليكم ورحمة الله وبركاته
. .................................................. ..............
تعاتبني بنظراتن خفيه
وأجاملها ولا أدري وش وراها
وأجاوبها بنظراتن حزينه
اتعبر عن ضنا الروح وشقاها
أسايرها واجاوب كل نظره
وأخبي الوجد وأبحث عن رضاها
قبل ما شوفها ظنيت قلبي
دله عن سيرة الحب وسلاها
وعقب ما شفتها عرفت قلبي
تناساها ولكن ما نساها
غلاها يزيد مع زود الليالي
وباع الناس قلبي واشتراها
وصرت أغار أنا منها عليها
خطا نفسي وأنا أتحمل خطاها
وأغارمن امها حتى وأبوها
وأغار من الذي بأمره ولاها
وأحسد اللي تبره بالرعايه
وأحسد اللى بأحاسيسه رعاها
وأحسد البنز لا قامت تسوقه
أخاف أنه يشاركني غلاها
.....................................
كلمتني قالت تخيل شهر ونفترق ..!
قلت أكيد تمزحين ...؟
قالت هذي الحقيقـه ...
قلت لية وش صاير وش غيرك ؟؟
قالت نصيبي انكتب ...
قلت وحبي لك .............؟؟
قالت ودمعهايذرف .....
الزمن حال دوووووون حبك ... الزمن اقوى مني ومنك ....!
حاولت اجامل واقول اللة يسعدك ...
ما قدرت بكيت نزلت دمعتي غصب عني
انفاسي صارت متقطعه .... وحلت لحضة صمت .......
نطقت باسمي وسألتني بنبرة حزن ليه ساكت ....؟؟
قلت ابد افكر بالدنيا ليه ..... علي دايم تقسى......؟؟
لييه انا دايم من بد البشـــر الشمس تحرقني....؟؟
ليــــه دايم اخســـــر..؟؟
ليــــه احلامي تـندفن بالرمال ؟؟
ليـــــه دموعي دايم تعشق خدي ..؟
لية الزمن دايم يتعمد يوقف بوجهي ..؟؟
خلاص تعبت يادنيـــــــــــــا الشقى ...
واللة تعبت ... أأرحـــمــيــنــي. ..
غمضت عيني تخيلت يدي بيدهـــــــا.. ذرفت دمعتين ..
دمعة حزن لفرقاهااا ... ودمعة فرح لسعادتها...
روحي عسى السعاده دربك .. بس طالبك لا قفيتي لا تخليني ...
اتركت دمعه ونضره .... حيرتني ... وفكت ايدينهـــــا ورحلت ..!
وين مدري ...؟؟
صحيت من نوومي وفزعت ...
اثاريني كنت احلم ... بس احلم...
بعدها ابتسمت ... وقلت حتى بحلمي ماني متهني...
.................................................. ........................
ليه القلـوب اللـي ... نبـي ... دوم تغـدر ...؟؟
شكيت جرحـي للبحـر ... قـال .. تكبـر ...
وتشوف منهم ... في حياتك ..... غرابـة ......!!
نطقت له .. تكفـى .. إذا .. كنـت ... تقـدر ..
عندي سؤال ... بس ..؟؟ .. ناقص .. إجابة ......!!
ليه القلـوب اللـي ... نبـي ... دوم تغـدر ...؟؟
وليه الحزن ... يفرض علينـا ..... ثيابـه ......؟؟
قال .. الكسـر .. مـا ظنتـي يـوم ... يجبـر ...
إلا ... إذا .. اللي راح ... أعلن ...... إيابه .....!!
قلت .. الوفا ... بيـن البشـر .. ليـه ينـدر ..؟؟
ليه الغلا ... بـالناس ... سهل ... إنقلابـه ....؟؟
قال .. البشر .. طبعه غـدر ... بـس أصبـر ....
وأعرف .. ترى نصف الوجيه ..... تشابه .......!!
دنياك .. لـو تصفـي .. فـلابـد .... تكـدر ...
وتشوف شيب العمر ..... بعد ... الصبابـه ....!!
وإن كان .. تبغى الحـل .. مـن قبـل يصـدر ...
خلك حريص ... تعيش .. كلك .... مهابـه .....!!
من قبـل دمـع العيـن ... بـالحـزن .. يحـدر ..
من قبل ... لا وقتك ... يعضك .... بـنابـه ....!!
وقتك غريب ... ومثلـك اليـوم ..... ينـدر ...
يندر ... تعيش ... بـطيبتك .. وسط غابـه ....!!
بـاقـول كلمـة .... وأذكـره .. دوم وأخبـر ..
وأذكر .. كلامي لـك ... إجابـه .... إجابـه ..!!
لا تقول .. أنا .. فاهـم .. علـى النـاس أقـدر ..
أقـدر أميّـز ... مـن دروسـي .... كتابـه ...!!
صدقني .. هذا ... وقـت .. خايـن .. ويغـدر ..
لو .. أنت ذيب .. تخون .. فيـك ... الذيابـه ..!!
.................................................. ............
يمــــــــهـ جيـــت ابسألـ..... ؟؟؟
يمه جيت ابسأل ليه انا حظي مجافينـي
اشوف الناس ملتمه وانا ما بين حسراتي
اشوف افراح من حولي اسلـم ماتحيينـي
اناديها وانا خجـلان الـزم فـي تحياتـي
احاكيها يافرحه وين؟ حلفت انك تزوريني
اشد بحكي ثم ارخي اداعبهـا بهمساتـي
ولا به فايـده يمـه برغبتهـا تمشينـي
تواعد ثم تخلفني او انها تنسى اوقاتـي؟
انا اذكر دعوتك لله ... طلبك انه يخلينـي
طلبك انه بير**ني و يوفقني في بداياتـي
تعلمت الدعاء منك وصارت عـادةٍ فينـي
اذا نامت عيون الخلق اوجه لربي دعواتي
رجيت بصوت كله خوف متأمل بيعطينـي
لاجل ما افرّحك يمه رجيت وزدت رجواتي
هقيت ان دنيتي تصدق بدعواتي وتوفيني
صبرت بحروة امالي وحروة كل هقواتـي
وجت للخلق ذا كله ولكـن ازرت تجينـي
وقلت اكيد هي خيره حمدت الله لحالاتـي
كتمت الاه لا تطلـع ولا ودي تشوفينـي
ما ودي يتعبك نوحي ولا تشقيك شهقاتي
تجرعت الالم يمه شربته بـأول سنينـي
وجيتك ما بغيت انك تحسي مـر لوعاتـي
اضّحك هم دمعاتي واطمن خوف يحوينـي
واجر بصوتي العالي لاجل عينيك ضحكاتي
واذا صديت عن وجهك اسلم امري لعيني
تجيني مثل جلادٍ يروق ان شاف دمعاتـي
اجملها بذكـر الله واقـول الله بيجزينـي
اهدّي نفسي اطلبهـا تجملهـا ببسماتـي
ولكن لو نجي للجد ترى كذبـي مأذينـي
ما عاد استحمل العيشه بتزيفي لفرحاتـي
انا هلكان يا يمـه انـا تعبـان ضمينـي
انا كل ليله اتوفى وارد احيـا لصرعاتـي
ذبحني البـرد يايمـه بغيتـك لوتدفينـي
طلبتك انزعي بردٍ سكن واستوطن بذاتـي
ضلوعي تزاحمت يمه بصدرٍ مـا يكفينـي
من الضيقه من همومي من الامي واهاتي
يلاعب فكري جنون و تلاعبني شياطينـي
توريني ضعف حالي ... تذّكرني بمعاناتي
تشككني بحبك لي واقـول انـك تحبينـي
تعاند حبك بقلبـي تكـذب لـي حكاياتـي
ترى ما هزني خوفي وحبك لي بيحمينـي
ترى ما عمري اشكك والومك في نهاياتي
انا بس باسالك يمه حقيقه ليه ولدتيني؟؟؟
بنفس اللحظه يا يمه ولدتي ليه وناتـي؟؟؟
ارد ادعي انا ربي مـن العلـه يشافينـي
وكل خوفي على قلبك اذا مـروك برفاتـي
انا خايف من احـلامٍ نهايتهـا بتشقينـي
ومن قسوة مشاويري ومن اخرمسافاتـي
وخايف والله من قبري ومن تربه تغطيني
وسيره تنقطع بعدي ما يبقى غيركلماتـي
ابيكي ترضي بالقسمه ورضوانك بيرضيني
تراني لاجلك اتمنى يحقق ربـي رغباتـي
يا يمه لا اشوف الهم بوجهـك لاتبّكينـي
ترى مكتوبه قبل اولد متى ولوين خطواتي
واذا ما جت على كيفي ابيكي منها تعفيني
ابي ترحمني دموعك وتشفع عندك ابياتي
.................................................. ..............
الروح المدمرة
من روائع المبدع كريم العراقي
الروح المدمرة
يـالــروحي التـي دمّرتنـي
تـســألين ومــا وجدت جوابــا
أن تحني إلى الديار فأبكي
قد غصبنا على الرحيل اغتصابا
لا حبيبتي معي ولا بلادي
مــشرد طـرقـت بـابـاً فبـابـا
فــالرجوع دمــار أكـيــد
والهــروب أكـــثـر اقــترابــا
أما عن النسيــان فـكذب
كــيف يـنسى الحمــام القـــِبـابـا
أتـطلبـين السعــادة منــي
إسألـي الله أن يخـفف العذابــا
ازرعي الصبر في طريقي
واشـحذي من الهـموم حرابــا
أتحســبين نــحولي حُســناً
قد رمى الدهر مهجتي فأصابـا
مشـتت مسـتـفز وحيـــد
أهزمـت نيــراني الأصحـابــا
إن عزفـت نــزفت وإن
بكيت أحـرقت دمـعتي الثـيـابـا
إنني مركب دون مرسـى
وفــارس مــا أراح الركـابــا
واحتراقي مستمر كأنــي
خـيط شــمع كلـما أضـاء أذابــا
كــلمــا أقــول وصلـــتُ
يستحـيــل الطريــــق ضبـابــا
لكننــي ما أزال جميــلٌ
ومايـزال الطــموح شـــبــابــا
عائـــد للــتي علــمتـني
المــآسـي تـقرب الأحــبــابــا
حبنا العظيم سوف يبقى
حبيبـتي وإن ذُبــحنا اغتـرابــا
.................................................. .............
الخنســـاء
هي تماضر بنت عمرو بن الحارث بن الشريد، الرياحية السُلمية من بني سُليم من قيس عيلان من مضر
من شعراء عصر المخضرمين
توفية سنة 24 هـ / 644 م
أشهر شواعر العرب وأشعرهن على الإطلاق، من أهل نجد، عاشت أكثر عمرها في العهد الجاهلي، وأدركت الإسلام فأسلمت. ووفدت على رسول الله (صلى الله عليه وسلم) مع قومها بني سليم. فكان رسول الله يستنشدها ويعجبه شعرها، فكانت تنشد وهو يقول: هيه يا خنساء.
أكثر شعرها وأجوده رثاؤها لأخويها صخر ومعاوية وكانا قد قتلا في الجاهلية. لها ديوان شعر فيه ما بقي محفوظاً من شعرها. وكان لها أربعة بنين شهدوا حرب القادسية فجعلت تحرضهم على الثبات حتى استشهدوا جميعاً.
فقالت: الحمد لله الذي شرفني بقتلهم.
\
لها قصيدة بعنوان ( ما بالُ عَيْنَيْكِ )
تقولُ فيها
ما بالُ عَيْنَيْكِ مِنْها دَمْعُهـا سَـرَبُ
أراعَها حَـزَنٌ أمْ عادَهـا طَـرَبُ
أم ذِكْرُ صَخْرٍ بُعَيْدَ النّـوْمِ هَيّجهـا
فالدّمْعُ منها عَلَيْهِ الدّهرَ يَنسكِـبُ
يا لهفَ نَفسي على صَخرٍ إذا رَكبَتْ
خَيْلٌ لخَيْـلٍ تُنـادي ثمّ تَضْطَـرِبُ
قد كانَ حِصْناً شَديدَ الرُّكنِ مُمتَنعاً
لَيثاً إذا نَـزَلَ الفِتيـانُ أوْ رَكِبُـوا
أغَرُّ ، أزْهَرُ ، مِثلُ البَـدرِ صُورَتُـهُ
صافٍ ، عَتيقٌ ، فما فِي وَجههِ نَدَبُ
يا فارِسَ الخَيْلِ إذْ شُدّتْ رَحائِلُهـا
ومُطعِمَ الجُوّعِ الهَلْكَـى إذا سغبـوا
كمْ من ضرَائِـكَ هُـلاّكٍ وأرْمَلَـةٍ
حَلّوا لَدَيكَ فزالَتْ عنهـمُ الكُـرَبُ
سَقْياً لقَبـرِكَ من قَبـرٍ ولا بَرِحَتْ
جَوْدُ الرّواعِـدِ تَسْقيـهِ وتَحْتَلِـبُ
ماذا تَضَمّنَ مِنْ جُودٍ ومِـن كَـرَمٍ
ومِنْ خَلائِـقَ ما فيهـنّ مُقتَضَـب
.................................................. ................
.........................قسمـ بالله مااخونكـ دامكـ حيلـ تغلينيـ............................
بسم الله الرحمـن الرحيـــم
قسمـ بالله مااخونكـ دامكـ حيلـ تغلينيـ
يضيق الصدر.. لاشفتك.. حبيبي تمسح دموعك
ترى مااقوى على حزنك.. لك الله لاتبكّيني
وش اللي صار باحوالك.. طلبتك قول موضوعك
ألى هالحد تغليني.. وماودك تعنيّني
تعال وشوفها احزانك.. بَنَت في روحي افروعك
هدمت افراح من شانك.. وماتن بي بساتيني
حرام ارتاح في نومي.. إذا ماارتحت بهجوعك
قسم بالله مااخونك.. مدامك حيل تغليني
وليل من الفرح يبكي ..يبيك اتجود برجوعك
وهمّاً ياتلف حالي.. يحزني .. لاعباً فيني
حبيبي وش تبي قلي.. أنا كلي رهن طوعك
علامك يابعد عمري.. حزين وماتحاكيني
تعال وخذ من اشعاري.. تسّلا عطني اسموعك
وإذا ماجاز لك شعري.. حرام اتخطه ايديني
حبيبي جيتك بدموعي.. وودي تمسح ادموعك
أنا غصّتني العبره.. دخيلك لاتبّكيني..!
تحياتي//
.................................................. .....................
مرررررررره جنااااااااااااااااااااااااااااااااااان
--------------------------------------------------------------------------------
قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
ابي اصحى ولكني عجزت القى ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني
فــجــأه دق جوالــــه..
--------------------------------------------------------------------------------
--------------------------------------------------------------------------------
كان بزحمة شجونه..
يلملم باقي أوراقه..
صباحه يمر كالعاده..
شرب القهوه من بدري..
ورايح يقضي شؤونه..
فجـــ ـــــــ ــأه..
دق جواله..هاذي الرنه اذكرها؟!
صارت ترجف يدينه..
صارت تدمع عيونه..
هذا رقم مضنونه؟!!!
ااالــــــــــو..
قالها بلهفة احساسه..
صباح الخير ياجافي..
ياأقسى من عرف قلبي..
صباح الخير..
ياوجه الخير..
ياحبي ياسبب غلبي..
حبيبي..
ليش تهجرني..
وينك يوم ناديتك توك..توك تلبي؟!
تدري ياكريم الجروح..
تدري ياغلا الروح ..
أنا ماأنام إلا صورتك جنبي..
وإلا.....أقولك مابعاتب،،
يكفي ان اليوم صبحي ،بحضورك، اختلف عن كل يوم...؟!
أدري يابعد حالي..أدري وش تبي تحكي..
صحيح ان السلام المفروض انت تبدا به..
حبيبي والله ماتفرق..
حبيبي سلامنا واحـــــد..
حبيبي والله ماتفرق..
سلامي اول وتالي..
عساك بخير
بشرني..
عساك بخير
ياغالي..
عسى دنياك فرحانه؟
تعال قولي علمني
غريبه عليك تذكـــــرني؟!
وتذكر رقم جوالي؟!؟
عسى دنياك جتني ولهانه؟؟
عن أشواقي لاتسأل..!!
عيوني حييييييييييل مشتاقه..
ضناني الشوق واشقاني..
وصبري ذبلت أوراقه..
تعــــــال..
تعال باحكي لك..
أنا تغيرت عن أول صرت أنام من بدري..
عشان أحلم وأشوفك..
ويطول حضني لطيوفك..
صرت أصحى من بدري..
وصارت قهوتي مـــرهـ ..
وغطاني همي من كبرهـ ..
أنا تغيرت عن أول ..وهجرك طول وطول!!
أحبـــــــك..
باقي تذكرها؟
لسه تذوب من حرارتها؟
سوالف ليالينا..وحلمنا الوردي..
مانسيتها..أعيش ماضيها وحاضرها
أحبــــــــك..
وإنت تهجرني؟!
هاذي يعني أخرها؟!
أوووووه..... ( أسف حبيبي )
أعذرني..خذاني الشوق ووداني..
حبيبي يالله كلمني..
طفي شيء من ناري بصوتك
وليتك تداوي القلب ياليتك..
.
.
.
آلــــــــــــــو : يااخوك أنا آســـــف .. أنا غلــــطان
تــوي مطلع الجوال وكنت أبغـى رقـم فـــــــلان!!
واتمنى ان تعجبكم........؟
×ـ ×ـ تر! من جد أكرهها يآعآلم نآشبه فيني ! ـ× ـ×
--------------------------------------------------------------------------------
ســــــــــــــلام عٌ‘ـليكمُ ...
صـبـــآح / مـسـَـــــآء => آلنوِرُِ ...
قصُيده روٍعه روٍعه روٍعه ...
||
ترى من جد اكرها ياعالم ناشبه فيني
تغير دايم الارقام عشان ارد واكلمها
لعنت اليوم ذاك الي جمع نظراتها بعيني
وصرت اتمنى ذاك اليوم يجي فجاءه واودعها
حرام اقول يافلاانه روحي لاتحبيني
حرام ابقى معاها كذب على اني اطاوعها
حرام اكسر محبتها وابين قولت انسيني
حرام اكذب على نفسي على اني انا معها
انا اذكر قلت ابي ارحل قالت لاتخليني
وصار الدمع على الخديني يغير من ملامحها
وقالت لارحلت انت جعل موتي يناديني
مع اني قاسي(ن) معها كأني كنت ادلعها
طفله لينت قلبي ودلتني عناويني
وذبت انا معاها صدق وصعب اني افارقها
خذت روحي بـ لطافتها وبـ ميانتها تسليني
وصرت اخشى دموع العين تنزل من مدامعها
صار الكون في كفه واهي صارت تكفيني
ملاك(ن) لاحشى والله عجزت اني اشبها
وكل مااشوفها والله اقول انتي توديني
اخاف انها تصرفني مثل ماانا اصرفها
ياعالم شكلها بتقول ترى هذا نشب فيني
واصير انا الغبي الي يفكر بس يكلمها
||
تحياتي//
هل يموت الحب ...كما يموت الورد ؟
--------------------------------------------------------------------------------
هل يموت الحب .. كما يموت الورد ؟
هل هكذا تموت الأحاسيس الجميلة
كما يموت الورد ؟
يموت الورد مقطوعاً من شجرته
وكذلك يموت الحب بعد أن يقرر صاحبه اقتطاعه من أحشاء
القلب
ويموت كذلك الورد مدعوساً تحت الأقدام
كما تموت الأحاسيس الجميلة عندما يدوس
عليها صاحبها ليقتلها
ويموت الورد إذا لم
يسقيه صاحبه الماء الذي يحييه وكذلك يموت
القلب إذا لم يسقيه صاحبه بالحنان والعاطفة
الجميلة والحب ..
لماذا يتعامل الناس مع الحب كما يتعاملون
مع الوردة ..
ينظرون إليها ويتمتعون بجمالها
يشتمون رائحتها العطرة
ويجعلونها عنواناً للفرح والسعادة
يسقونها ويعتنون بها ويجعلونها سيدة كل
الورود وملكة كل الأزهار ..
كذلك يفعلون مع الحب عندما يحترمونه
ويقدسونه ويجعلون من يحبون معجزة جديدة
فيبادلونه المشاعر الجميلة ويرسمون له
الطريق نحو الجنة ويدخلون على حياته الفرحة
والبهجة ويعطونه الوعود ويرسمون له
الأحلام ويدخلونه إلى تلك الدنيا الوردية
الجميلة بعدها يجدون غيره فيرحلون
ويقتلونه قبل الرحيل كما يلقون بالوردة
على قارعة الطريق بعد الاستمتاع بها !!
أفكار مجنونه و تساؤلات باحثه عن اجابه
هل يموت الحب.. وتنتحر الأشواق ؟
لماذا تتغير مشاعر الحــب مــع مرور الايا م ؟
هل تموت الأحاسيس الجميلة كما يموت الورد ؟
لماذا نحمل عبئا من الذكريات ..
لماذا نشعر بالحنين الى عهود لن تعود ؟
لماذا ولماذا تساؤلات كثيره
وأهمها هل يموت الحب كما يموت الورد؟
فهل من جواب؟
.................................................. ..
دكتووور تكفى وقف الدرس لاهنت !!
اخلييكم مع القصيده.
.
.
.
.
.
دكتور تكفى وقف الدرس لاهنت!!
وشلون ابفهم حط نفسك مكاني...
لاصار خلي هو حبيبك وانا انت!!
وتشوف خلك رايح لشخص ثاني ..
دكتــور أمنتك أمــآنه وآمــنت!!
منهو وفا فينا ومن هو أنـاني...
أمشي بدربه ولا انـا ماتعيـنـت!!
إلا وجـرحـه عن دروبـه حـداني..
تمكن بجرحـي وانا ماتمكـنـت!!
تمكـن بغدري بـعـد ماعمـاني
أحسنت في ظني ولاظني أحسنت!!
أحسنـت في ظني وظني عصاني
دكـتـور دونـي اذا مـا تـدونــت !!
عـبره لغـيـري دام ربي بلاني
السالفه شابت وهي توها بنت!!
ماتت امـاني بس تبقى اماني..
دكتور تدري كمل الدرس هونت !!
خلاصـ أبفهم دام خلـي نسـاني..
.................................................. .......
ثمـان سنيـن أجـي نفـس المكـآن ....
على الموعد بـ ( لهـــفه ) جيت لامانع ولا تأخير ..!
لفيت من العصر هايم مع إن الموعد المغرب ,,
وجتني بس مدري ليـــه شعرت الجيه هذي غير ..
وهي تقرب من عيوني شعرت إن الممات أقرب ..!
وقلت الله يهونها عسى في جيتك لي خير ..!؟
أنا من شفتك أقبلتي وأنا خايف ومستغـــرب ..
على كثر الحكي مدري .. كأنه خانها التعبير ..!
وقالت لي جمل وأشياء لاتكتب ولا تعـــرب ,,
هدت فجأه تطالعني وأنا في حاجة التفسير ..!
لجل نحكي بهدوء أكثر سألت : الحلوه وش تشرب ..!
فصاحت بي أنا أحبك ولك في هالحشا تقدير ..
وتدري إن المثل فينا وفي إحساسنا يضرب ..
وكنت إنت الوفي وإنت البرئ من تهمة التقصير ,,
ولكن ذي عوايدهم من أيــــام وزمن يثـــرب ..!
تكون البنت لإبن العم ورغبات الكبار تصير ,,
وتدري الأقربون أولى .. مع إنك للخفوق أقرب ..!
وتدري للقدر كلمه ... ولعادات الاهل تـــأثير ..
لذا أرجـوك تتركني وأنا من واقعك بهرب ..
شعرت بحكيها كنه قصاص وأمر بالتعـــزير ..!
وشعرت الدنيا ضاقت بي من المشرق إلى المغرب ,,
مشت خلت وراها طفل .. مايدرك وش التدبير ..
يحسب إن الغرام أبيات شعر وأغنية مطـــرب ..!
ضحكت وما قدرت إني ألاقـي لضحكتي تبرير ..؟
من اللي بوقتنا مره ضحك من لدغة العـــقرب ..!
رفضت أستوعب اللي صار ولا إستسلمت للتغيير ..
ثمان سنين أجي نفس المكان بساعة المغـــرب ..
برغم إن الثمان سنين جرح وكلفتــني كثيـــــر ..!
أنا لليوم أجي أدعي .. تجي يارب .. تجي يارب ..!
" اعجبتني وحبيت انقلهااا لكم ياا حلووووين "
.................................................. ..........
تكفــى يــا مـــوت زرنـــي..
اخليكم مع القصيده..
خلي هجرني تكفى يامـوت زرنـي
وان ماقدرت دلني مكانك وانا اجيك
مابـي حياتـي دام خلـي هجرنـي
مابي حياتـي دامـه يقـول مابيـك
يدري بظلم الناس يـدري وظلمنـي
واكد كـلام اللـي يقولـون ناسيـك
لكـن قبـل لاتاخـذ الـروح منـي
باسأل حبيبي كم سـؤال واخاويـك
وشلـون قلبـك ياحبيبـي تركنـي
وتد ري بخفوقي كم له شهور هاويك
وماتدري بعـادك وصـدك ذبحنـي
وما تدري عن دمع نثرته وانا ارجيك
اسال جميع الناس وش صار عنـي
اسال وش اللي صار في حال مغليك
لو عاش عاقل عيشتي كـان جنـي
حالي لـو تشوفـه بعينـك يبكيـك
لوعلموك وش كثر همـي وحزنـي
من يوم حبي انتهى وصار ماضيـك
لو علموك عن قلبـي اللـي يونـي
مطعون يصـرخ يشتكيلـك يناديـك
صار الحزن هو لعبتي صـار فنـي
ابكي ندم والله الـى حـل طاريـك
ضيقت صدر ويا الهمـوم اسكنتنـي
احكي واكمـل ولا ماقلـت يكفيـك
اللي سمعتـه بسبتـك انـت جتنـي
عطيتني كرهك وانا الحب معطيـك
ضاعت سنيني وانـا بالحـب ابنـي
قصوور وانهدت سبب فعلت ايديـك
جاك الوفا والحـب والعشـق منـي
حتى الوله والشوق والصدق مهديـك
قلبي وفالك وانـت قلبـك خدعنـي
خدعت قلب كـان بالحـب شاريـك
بكذب وخيانه وغدر قلبـك حضنـي
في وقت قلبي فيه يسهـر يداريـك
ماكنت أظن قصدك بحبـك تذلنـي
ذليتني من بعـد مامـت انـا فيـك
هذي حقيقة بعـض مامنـك جتنـي
وبعض اللذي اسقيتني سم با ايديـك
ماكنت ساكت خايـف بـس لانـي
ميت بحبك ما أقدر ازعلك واشقيـك
حرّمت اقولك من محبتـك عطنـي
مادام غيري في محبتـه مرضيـك
ببعـد بعيـد واوعـدك مـا احنـي
ابشر اببعـد ومـع حبيبـك بخليـك
وابي مماتـي ياخـذ الـروح منـي
تاركلـك الدنيـا بهـا الله يهنـيـك
واذا سأل في يوم انا انسـان عنـي
قله توفـى والسبـب طعـن بيديـك
إنشاء الله تنال إعجابكم تحياتي
.................................................. ...
:][:.. قلتـ ما أحبـه وأنا مجنونه فيـه ..:][:
قلت ما أحبـه وأنا مجنونه فيـه
ما بـيه يـــشوف حالـه من غلاهـ
قلت ماهمني لوفكر بغيري ويبيه
ماأبي أحرق قلبي وضلوعي بهواهـ
دوووم أكذب ودقات قلبي تناديه
أكابر حتى بأشواقي وأعاني معانهـ
هذا حالي لا قرب قلت:لأ ما أبيه
ولابعـًـد قلت ياويل حالى على فرقاهـ
والله أحبه وأعشقه عشق وأموت فيه
حفرت بقلبي حروفه وهو مطلبه ومناهـ
مابي أكشف له عن داخلي وأني أغليه
خلوهـ يتوهـ بعيوني يشوف الحب والأهـ
أحبه حب لويدري يقول غيره وش أبي فيه
يقول هذا مناتي ومطلب فكري ورجواهـ
أحبه بصمت وأعانـي من اللي أسويه
أتعذب حتى برقادي كل ما ألتفت ألقاهـ
صورته تسكن خيالي وبروحي أفتديه
يشهد على الله مهما أبتعدنا مستحيل أنساهـ
حسبي على طبعي كيف يأذيني ويأذيه
عمركم شفتوا إنسـان جاحد بمـحتـواهـ
هذا أنا لا أقبل قلت من قال أني أبيه
وإلى منه أبتعد صرخت ضلوعـي أهـواهـ
أعجبتني ونقلتها لكم**
............................
انا طبعي كذا اذا حبيت احب بكل حالاتي...
أنا إنسان مع نفسي قبل لا اكون معك إنسان
لـي مبـدأ ولـي نظـرة تحكمني قناعـاتي
أحاسيسي حقيقـه ثابته بالوصل والهجران
أنا طبعي اذا حبيت .. أحب بكل حـالاتي
منادي والندا نابع من الوجدان للوجدان
إذا ما ينطق احساسي حديثي يشبه سكاتي
غموضي في الهوا تصريح وسره يفضح الكتمان
ونظـرات الوله والوجد هي أجمل عبـاراتي
ولا اجامل باحاسيسي ولا اقبل في الهوى احسان
ولا للمصـلحـه يـا سيـدي دور بعـلاقـاتي
ولو ألغي شعوري ما بقى لي صاحب ولا خـلاّن
أحب الصدق واعمل به كسبت او كنت انا الخسران
ولو صدقي يخسرني تشرفني خساراتي
ولو ينسى زماني ما نسيت الشوق والخلان
رفيق العمر لو يقصى معاناته معاناتي
على كثر الخطى غافر ولا اغفر غلطه الخوان
جزاه الصد والفرقاء ولو عاندت رغباتي
ولو العفو ما اخطينا ولا نحيا بلا غفران
خطايانا دليل ان بشر وان الخطئ ذاتي
على صدر الزمن بكتب شعوري موعد وعنوان
تعرف الشوق لو صار احتك بسر ابتساماتي
هلابك يا أصدق شعور دخل قلبي بلا استأذان
هلابك يالنصيب اللي نثر وجهه على اوقاتي
وفتلك كل احاسيسي ولا بعد الوفاء نكران
وسمعي بالوفاء يحرس حروف الود بشفاتي
أحبك والهواء نعمه وحبك نعمه الرحمن
ولو كان الهواء غلطه فحبك كل غلطاتي
تحياتي
......................................
أحب طولهـ وأحب زولهـ و/اموت/ برزة عقاله.....
أحب زوله و أحب طوله و أموت " برزة " عقاله
و أحب ولاعته وعطره و " بوكه " وكل حاجاته
و أحب سيارته واسمه ورسمه و رقم جواله
و أحب " بزران " شارعهم ونغمة صوت " جواله "
و أحب حكيه و أحب صمته وأحب أيامي بوصاله
و أحب غشمرته وجده و أهوى حتى زعـــلاته
ولكن ويني و وينه .... و وينه و كيفها أحواله ؟؟
و أنا خبري إذا أبعــد يحــس الشــوق و سكـراته
إذا قلت الوعد باكر ... يسابق خطوة ظــلالــه
و تحضــن كفـي كفـوفـه و يعــانقـنــي بنظــــراتـه
يمـــوت بكــلــمة ٍ مني ... يذوب و حــالته حاله
و أشوف إنه غـدا طفـل ٍ .. و إني أغــلى لعبــاتـه
أنــا مشــتـاقه لعيــونـه .... و لجنـونـه و لخباله
قتلني الشوق بغيــابه ... ذبحني بــ طول سفراتــه
.................................................. .............................
أكثر ماأعجبني من قصائده...
أموت من فرقاك
أموت من فرقاك وأموت بلقاك *** وأموت من جورك وأموت بحنانك
كلٍ قضاه يمــوت مرّه .. و يفداك *** و أنا أموت ألفين مرّه عـشــانك
أذكرك .. لا مني نسيت إني نسيتك *** أنـسـاك .. لامني ذكرت نسيانك
رضيت أنا بالهم لرضاك مرضاك *** و ارخصت لك قلبٍ جرحته وصانك
أجيك في صدري عتاب .. وابجفاك *** وأرجع ألوم الوقت و أقول خانك
أحب فيك ..احساسي إني بلا ماك *** في عز خوفي منك أحس بأمانك
عجزت أفرق بين وصلك وفرقاك *** ياللي عطيت الناس بيدك عنانك
مر تجيني لين أقول إني إيـاك *** و مر تروح بعيد و انسى أوانك
أقبل و تقفي واعتذر عن خطاياك *** و أقول ما عييت .. عيا زمانك
وإن خانتك دنياك أو خنت دنياك *** إرجع و تلقابي .. مكانك،مكانك
آخـــر حــب
كنت احسب اني عرفت الحب قبل اعرفك
وعشقت قبل اعشقك واشتقت قبل التقيك
وكنت احسب اني لقيت احباب قبل اوصلك
واثري توهمت في غيرك وانا كنت ابيك
تعال نعطش وتشربني وانا اشربك
تعال قبل الوعداجلس معي نحتريك
تعال شفني وانا استناك .. كم اشبهك
يطري علي ألف راي وراي واحتار فيك
اجي مكان الوعد والا اسبقه انطرك
والا اخذ الموعد اللي يحتريك واجيك
يااخر الحب ذقت الحب في اولك
ويااول الشوق اقصى الشوق ماينتهيك
علمتني كيف اعرفك لين صرت اجهلك
ضيعتني في متاهاتك وكنت ارتجيك
حبيب الاحلام يابعدك ويامقربك
حرام يكفي تبعثرني وانا احتويك
ان شفتك بحلم صدقته وانا اتوهمك
وان شفتك بعلم كذبته الين انتشيك
اخاف اغمض عيوني وإن رمشت افقدك
واخاف افتح وتصبح حلم ولا التقيك
بعــض الأحـبــاب
ما قلت احبك ولا قد قلت ما حبك ... احب مالي عيوني وانت تـسـواها
لو تدري اش كثر تعني لي تعرف انك .... اخر امل في حياتي واول مناها
ياكثر احس ان بك مني وبي منك ... روح قسمها على شخصين مولاها
لا تقول وش تحب فيني اعشقك كلك .... من ليل شعرك لكلك واخر اقصاها
سميتني نصـفــك الثاني ويا شحـــك ... انا بسمـيـــك كلي وانــــت معناها
تعبت اوديك له يا قلب ويردك ... لا اخذ حلومي ولا خلاني انـســاها
كل الحمام استراح وناح في ظلك ... والورد الاصفر سقته الروح من ماها
ليتك بعمري ثلاثة اشخاص ماملّك .... واحد معي دوم وواحد روحي يملاها
والثالث بجفن عيني لا فقد حسك ... او غمض الجفن جاني فيك يتباهى
مو بس احبك انا والله من حبك ... احب حتى ثرى الارض اللي تطاها
بعــض أحـــوال
أنا مقدر أكون .. اني حبيب في بعض أحوال
أنا كلي أجي .. والا أروح بعزتي .. كلي
تخيرت الفراق وما دريت إن الفراق وصال
أقول اني نسيتك بس مدري كيف تاصل لي
خذاني لك سؤال في عيونك و الجواب محال
خذاني منـــك دمع في عيوني مارضى ذلي
رحلت انت وتركت بداخلي طيفك و صبر طال
غدت ذكراك شمس ما تغيب و صورتك ظلي
حكيت و مالقيت من الحكي الا الـندم موّال
سكت ومت بالحسره ولا ادري وشهو احسن لي
أحبــــك كل ما فيني يحبك يا خلي الــبــــال
تخيلتك دواي و صرت جرحي الصعب يا خلّي
تعبت أرحل مع وجيه البشر بانساك بالترحال
و لا ادري وش يجيبك في وجيه الناس واهلّي
وسلامتكم..
.................................................. ...................
عسى يكبر ويذكرنـﮯ ويسمـﮯ بسمـﮯ عيالهـ
يكلمني عن جروحه ،، و أنا من سـبّـته مجروح
يسولف لي عن ( أحبابه ) !! ،، و أسولف عنه لحاله
أحس في دمعة عيونه ، و تطلع من بكاه الروح
و إذا يفرح مع غيري ،، ( بكى قلبي .. و هنـّى له ) !!
ياليت آنا معاه اللي ركبنا في سفينة نوح
محد يقدر يفرّقنا .. لا عمـّي ،، و لا خاله
رسمته في قلم ناشف على قطعة خشب من لوح
و تهيـّأ لي يحاكيني ، و يبيني أرسم ظلاله
تحرّك طيفه الدايم ، و لَـعـَب في حسبتي بـجموح
( يحب الخيل ) ، و أشعاري عشانه صاروا خيـّاله
و صار بعيني الأجمل ، مع إنه شويّ هو مملوح
و لا غيره ملا عيني ، و قلبي بس يصفى له
ذبحني قلبي الساكت ،، متى قلبي عليه يبوح ؟؟
أحبه .. و مادرى إني أحبه , و أعشق وصاله
كتمت / و هذا من طبعي ، و تمنيت الغلا مفضوح
بأبيّن له ، و لا أقدر !! مع إني جالس قباله
أخاف إنه بعد مده يطير ،، و من إيديني يروح !!
هو نعمة من فضل ربي ، و يقولوا : النعمه زوّاله !
لي قلبٍ من كثر حبه ،، على فراش التعب ( مطروح )
لا هو ميت و لا عايش .. و والله إن مات أشوى له !!
و حبي ( من طرف واحد ) ، غلا صادق ، بدون مزوح
و إذا هو طاح قدامي : نزل له قلبي و شاله
شكى لي ، و كنت له ( أسمع ) / و قلبي دووووم له مفتوح
يطمّني عن ( أخباره ) ، و شنهي آخر أعماله
و إذا شفته خطا بحقي . . بدون أعذار هو مسموح
في نيـّاته .. و لا يدري .. و طيبة قلبه همّاله !
في جياته يروح الهم .. و يبدّل دمعتي بـ فروح
تمنيت البشر مثله ،، و كل من حولي أمثاله
من الله حبّه بقلبي ،، حشى مالي ترى مصلوح
عسى يكبر و يذكرني .. و يسمّي بـ ( اسمي ع ــيالهـ ) ..





.................................................. ...
بذمتك يادمع كم لي وانا ابكيك؟؟؟....
بذمتك يا دمع كم لي وأنـا أبكيـك
..كم مرة ٍ أرجوك تستر جروحـي
كم مرةٍ أقسمـت فالعيـن أخليـك
.تشرب زلال الملح من حرّ بوحـي
دام الوجع فينـي وضيمـه يغذيـك
.ما أظن سمع الأآآه يجهل شروحي
العبرة أنت وبحة الصوت.. تشكيـك
.وأنت السيول اللي تخطت صروحي
أكتب قصيدي واحسب إنه يواسيـك
.قصدي أبلّك يوم أحسك .. وتوحي
آثره خطا أبكيـك وأرجـع أناديـك
.أصيح ويرد الصدى وسط روحي
ما جيت أنا اشكي عند بابك ولا أبغيك
.ولا نويت ادفن بحزنـي طموحـي
إلا إن عمري فـي عيونـه يخبيـك
.كان الرجا (يا دمع) تخفيه نوحـي
أخلفت وعدك يا عسى الله يجازيـك
..خليتني وحدي ضحيـة جروحـي
/
\
/
.................................................. ....
زرعت الورد بيديني.. حصاد الشوك كان أقرب
كتبت الشعر من صدق المشاعر ماقدرت اكـذب
وقدرت اكذب علي نفسـي وبالراحـه أمنيهـا
غدا موج البحر يعصف سكوني يازمن وأكتـب
وانا مانيـب لاشاعـر ولا الاشعـار أغنيهـا
تعبت أمضي وانا عابر سبيل ودنيتـي تِتِعـب
وتعبت اشرح لنفسي عن همومي وش معانيها؟
ظماي اللي يناديني وانا عطشان رحت أشـرب
تركت وصايتي عنده صدى صرخـه ومدويهـا
حقيقه يازمن مره.....زمانٍ فات كـان أعـذب
سقـى الله ديـرةٍ كنـا نصبحهـا نمسيـهـا
شمال القلـب ماخـلا يمينـه حايـر بمطلـب
وانا الحايـر بمافينـي مـن ألآلام مخفيهـا !
زرعت الورد بيديني.. حصاد الشوك كان أقرب
ذبول إحساس هالعالم... ذبح روح الغلا فيها !!
أماني لو بغيناهـا حقايـق صـارت الاصعـب
وحقايـق لوبغيناهـا أمانـي ...مانعانيهـا !
سهل جدا كتابة مـا ابيـه بفكـري وأشطـب
وصعوبة موقفي بعض المعاني عنـد قاريهـا
الا ياوقـت لاتحقـد علـى مثلـي ولاتغضـب
ترى نفسي معزتهـا مـن الرحمـن معطيهـا
الاياوقـت لاتنـوي علـى ذلـي ولاتِِتـعّـب
ترى الهامه ورى ذيـك الغيـوم ولاتوطيهـا
تحياتي

[الجــــــارح]

هلا اخوي سامي


قصيد الروع من الجمال وذوق واختيار الروع من الخيال يالغالي


تسلم والله على نقل هذي القصيده الجميله


ونبي نشوف من ابياتك لا تبخل علينا



تحياتي لك

[ضحكـــ تخفي دموعي ــــتي]

جميل ان تصافح اعيننا جمال الشعر وروعة القصائد

رائع ان نحلق مع الجمال الى سماءات الابداع والروعه

اختيار رائع لعضو أروع

أبيات جميله بالفعل وأحسنت الاختيار اخي ســــــــــامــــــــــــــي

تسلم ويعطيك ألف عافيه

[$$حلاتي بندرة وجودي$$]

مشكورررر سامي....بس والله عيني دمعت من القرائه....
ربي يعطيك العافيه...
دمت بخيرررر
ننتظر جديدك

[طيف البحر]

/..
سامي والقلب ضامي.،
كـلمـآتـگ وقـطـرآتـ حـروفـگ
قـد تـمـآزجـتـ حـروفـهـآ
وعـزفـتـ لحـنـ مـفـعـمـ بـآلروعـہ وآلجـمـآل
شـگـرآ لگ عـلى هـذآ آلبـوحـ آلرآئعـ
لآحـرمـنـآ شـذآ عـبـيـر گلمـآتـگ ومـدآد قـلمـگـ
لـگ گـل آلوٍرٍد
../
[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

[سامي والقلب ضامى]

السلام عليكم ورحمة الله وبركاته
مشكوووووورين على المروووور
والله يعطيكم الف عاااافيه