اربع بنات

[البرنس]

امس العصر فالسوق شفت الملاقيف
اربـع بنـاتٍ واندهونـي حبيَـب
قالن تكلـم قلـت مابـي سواليـف
هفنَ وانـا قلبـي مريـضٍ تعيَـب
ماجد انا واحب روس المشاريـف
ماني على نهج الصياعـة قريَـب
قالن تغزَل قلت ماهو على الكيـف
وشلون أغازل واسود الراس شيَب
قالن وسيم وقلت كذب وتحاريـف
ياجعل ناظركـم بوجهـي مخيَـب
قالن تميلح قلت مايصلـح الزيـف
مايلبس الديكـور غيـر المعيَـب
ياما بحرت الحب دون المجاديـف
وياما ضويت بليل والنـور غيَـب
وياما صبرت ابجايرات الشواحيف
وياما ضحكت وطاري الهم سيَـب
أيام مرت كنهـا لمَحـت الطيـف
أقفت وأنا قفيَـت بامـرٍ صعيَـب
سنـة حيـاة وعبـرةٍ للعواريـف
يومٍ صويب ويـوم سالـم وطيَـب